काठमाडौं
२४ गते २०८३
राजु सामत
काठमाडौँ — विशेष अदालतले नेपालको राहदानी छाप्ने ठेक्का पाएको जर्मन कम्पनी भेरिडोसलाई साधारण तारिखमा राख्न आदेश गरेको छ ।
विशेष अदालतका सदस्यहरू नारायण पौडेल र डिल्लीरत्न श्रेष्ठको इजलासले भेरिडोससँग कुनै धरौटी नमागी साधारण तारिखमा छाड्न आदेश दिएको हो ।
अख्तियार दुरुपयोग अनुसन्धान आयोगले पासपोर्ट छपाइमा भ्रष्टाचार भएको भन्दै राहदानी विभागका कर्मचारीसहित ठेक्का पाएको जर्मन कम्पनी भेरिडोसविरुद्ध पनि मुद्दा दायर गरेको थियो । मुद्दा दायर भएपछि जर्मन कम्पनी भेरिडोसले नेपाली प्रतिनिधिलाई अख्तियारनामा दिएको थियो
अख्तियारनामा पाएका व्यक्ति विशेष अदालतमा उपस्थित भएपछि अदालतले यस्तो आदेश गरेको हो । विशेष अदालतमा बयान र थुनछेक बहसपछि अदालतले उनीहरुलाई साधारण तारिखमा छाड्न आदेश दिएको थियो ।
