जनता समाजवादी पार्टी खारेजीको माग गर्दै सर्वोच्च अदालतमा रिट निवदेन दायर भएको छ । राष्ट्रिय जनता पार्टीका तत्कालिन उपाध्यक्ष राजकुमार थापाले वारेसमार्फत सर्वोच्च अदालत रिट दायर गरेका छन् । कानुन विषय अध्ययनरत हृदयराज मिश्र वारेस भई पेश गरिएको रिटमा जनता समाजवादी पार्टीको एकिकरण रद्द गर्न माग गरिएको छ ।
रिटमा भनिएको छ– ‘संविधान विपरित गरिएको दल एकिकरण गर्ने निर्णय खारेज गरी नियम ४९ अन्तर्गत अन्तरिम आदेश समेत पाउन निवेदन गर्दछौं ।’ निवदेनमा निर्वाचन आयोग र तत्कालीन राजपा नेपाल हाल जनता समाजवादी पार्टी द.नं १५९ ललितपुर, बालकुमारीलाई विपक्षी बनाइएको छ ।
